ആഗ്ര:രാജ്യത്തെ പ്രധാന ടൂറിസ്റ്റ് കേന്ദ്രങ്ങളില്‍ സുരക്ഷ കര്‍ശനമാക്കുന്നതിന്റെ ഭാഗമായി ചരിത്ര സ്മാരകമായ താജ്മഹലിന്റെ സുരക്ഷ ശക്തമാക്കി. കേന്ദ്ര രഹസ്യാന്വേഷണ വിഭാഗത്തിന്റെ നിര്‍ദ്ദേശ പ്രകാരമാണിത്.  
വിദേശികളും സ്വദേശികളും അടക്കം നിരവധിപേരാണ് ദിവസവും താജ്മഹല്‍ സന്ദര്‍ശിക്കാനായി എത്തുന്നത്. ഭീകരരില്‍ നിന്ന് ആക്രമണ ഭീഷണി ഉയര്‍ന്ന സാഹചര്യത്തിലാണ് നിലവിലുള്ള സുരക്ഷക്കു പുറമെ മറ്റൊരു സുരക്ഷാ വിഭാഗത്തെകൂടി നിയോഗിക്കാന്‍ തീരുമാനിച്ചത്.
നിലവില്‍ താജ്മഹലിന്റെ സുരക്ഷക്കായി പ്രത്യേക കമാന്‍ഡോകളെ നിയോഗിച്ചിട്ടുണ്ട്. ഇവര്‍ക്കു പുറമെ 36 പേരെയാണ് അധികമായി നിയമിച്ചത്.