ചെന്നൈ: സീനിയര്‍ വനിതാ ഏകദിന ലീഗില്‍ കേരളത്തിനു വീണ്ടും ജയം. ഗുജറാത്തിനെ കേരളത്തിന്റെ വനിതകള്‍ ഏഴു വിക്കറ്റിനു കീഴടക്കി. അഞ്ചു വിക്കറ്റുകളും 31 റണ്‍സുമെടുത്തു ഓള്‍റൗണ്ട് പ്രകടനം നടത്തിയ ഷാനി ടിയാണ് കേരളത്തിന്റെ വിജയ ശില്‍പ്പി. ആദ്യം ബാറ്റു ചെയ്ത ഗുജറാത്ത് 55 റണ്‍സിനു എല്ലാവരും പുറത്തായി. വിജയം തേടിയിറങ്ങിയ കേരളം 25.3 ഓവറില്‍ മൂന്നു വിക്കറ്റ് മാത്രം നഷ്ടത്തില്‍ ലക്ഷ്യം മറികടന്നു.