മുക്കം: 'വിവേചന രഹിത വിദ്യാഭ്യാസം വിദ്യാര്‍ഥി സൗഹൃദ കലാലയം' എന്ന സന്ദേശവുമായി തിരുവമ്പാടി നിയോജക മണ്ഡലം എം.എസ്.എഫ് കമ്മിറ്റി ചേന്ദമംഗല്ലൂരില്‍ ഫഹ്മായിഷ് സംഘടിപ്പിച്ചു. മണ്ഡലത്തിലെ വിവിധ കാംപസുകളില്‍ നിന്നുള്ള തെരഞ്ഞെടുത്ത പ്രതിനിധികള്‍ പങ്കെടുത്ത കാംപസ് കോണ്‍ഫറന്‍സ് എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍ ഉദ്ഘാടനം ചെയ്തു.
മണ്ഡലം പ്രസിഡന്റ് കെ.വി നിയാസ് അധ്യക്ഷനായി. ജന: സെക്രട്ടറി എം.ടി.മുഹ്‌സിന്‍ സ്വാഗതം പറഞ്ഞു. കെ.പി അഹമ്മദ് കുട്ടി പതാക ഉയര്‍ത്തി. ക്യാംപ് അംഗങ്ങള്‍ക്ക് ഖത്തര്‍ കെ.എം.സി.സി തിരുമ്പമ്പാടി മണ്ഡലം കമ്മിറ്റി നല്‍കിയ ഉപഹാരം പ്രസിഡന്റ് മുഹമ്മദലി അമ്പലക്കണ്ടി വിതരണം ചെയ്തു. വിവിധ സെഷനുകളില്‍ വി.കെ. ഉസൈന്‍കുട്ടി, കെ.വി.അബ്ദുറഹിമാന്‍, സി.കെ.കാസിം, എം.ടി സൈദ് ഫസല്‍,സലാം തേക്കുംകുറ്റി.ബര്‍ക്കത്തുള്ള ഖാന്‍ ,സി.എച്ച് കരീം , സി.ടി ഷരീഫ്, കെ.ടി റഹൂഫ്, ജോഷി സുബ്രമണ്യന്‍ പി.കെ നംഷിദ്,കെ.ടി ഷമീര്‍, നാസര്‍ സി.എം സംസാരിച്ചു. 'കാമ്പസ്,രാഷ്ട്രീയം,തെരെഞ്ഞെടുപ്പ്' സംസ്ഥാന യൂത്ത് ലീഗ് പ്രവര്‍ത്തക സമിതി അംഗം പി.ജി മുഹമ്മദ് അവതരിപ്പിച്ചു. സമാപന സമ്മേളനം യൂത്ത് ലീഗ് പ്രവര്‍ത്തക സമിതി അംഗം ടി.പി അഷ്‌റഫലി ഉദ്ഘാടനം ചെയ്തു. ശംസീര്‍ മണ്ണില്‍, കെ.പി.ഷാജുറഹ്മാന്‍, പി.സി.റാഷിദ്, കെ.സി.ശിഹാബ്, അബ്ദുല്‍ കാദര്‍ ജീലാനി, സിദ്ദീഖ് കോടഞ്ചോരി, സി.പി റിയാസ്, തന്‍വീര്‍ കെ സലീം,ആശിഖ് ചേന്ദമംഗലൂര്‍ സംസാരിച്ചു.