ബാലുശ്ശേരി: അധികാരത്തിലേറി മാസങ്ങള്‍ കഴിഞ്ഞിട്ടും ഇതാണ് ഭരണത്തിന്റെ അവസ്ഥയെങ്കില്‍ ഇടതു സര്‍ക്കാറില്‍ നിന്ന് യാതൊരു പ്രതീക്ഷയും വേണ്ടെന്ന് പ്രതിപക്ഷ നേതാവ് രമേശ് ചെന്നിത്തല. ഇന്ത്യന്‍ നാഷനല്‍ കോണ്‍ഗ്രസ് (ഐ)എലത്തൂര്‍ നിയോജക മണ്ഡലം നേതൃത്വ ക്യാംപ് കുട്ടമ്പൂര്‍ ഹയര്‍ സെക്കന്‍ഡറി സ്‌കൂളില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ക്യാംപില്‍ ഡി.സി.സി പ്രസിഡന്റ് കെ.സി അബു മുഖ്യപ്രഭാഷണം നടത്തി.
കോണ്‍ഗ്രസ് ചേളന്നൂര്‍ ബ്ലോക്ക് പ്രസിഡന്റ് ടി.കെ രാജേന്ദ്രന്‍ അധ്യക്ഷനായി. യു.വി ദിനേശ്മണി, കെ.സി.ബാലകൃഷ്ണന്‍, പി.പി.നൗഷീര്‍, ഐ.പി.രാജേഷ്, എം.പി.ഹമീദ് മാസ്റ്റര്‍, ഗ്രാമ പഞ്ചായത്ത് പ്രസിഡണ്ട് കെ.ജമീല, അശോകന്‍ ചെറുപ്പാറ,കെ.ടി.ശ്രീനിവാസന്‍ പ്രസംഗിച്ചു. പൂമംഗലത്ത് അബ്ദുറഹിമാന്‍ പതാകയുയര്‍ത്തി. എന്‍.സുബ്രഹ്മണ്യന്‍, അഡ്വ. ടി. സിദ്ദിഖ് വിവിധ സെഷനുകളില്‍ ക്ലാസെടുത്തു.