കണ്ണൂര്‍: ഗാന്ധിജയന്തി വാരാഘോഷത്തിന്റെ ഭാഗമായി ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് വിദ്യാഭ്യാസ വകുപ്പിന്റെ സഹകരണത്തോടെ ഹൈസ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച ക്വിസ്, കവിതാപാരായണ മല്‍സരങ്ങള്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു.
കലക്ടറേറ്റിലെ പി.ആര്‍ ചേമ്പറില്‍ നടന്ന ചടങ്ങില്‍ ജില്ലാ ഇന്‍ഫര്‍മേഷന്‍ ഓഫിസര്‍ ഇ.കെ പത്മനാഭന്‍ അധ്യക്ഷനായി. ക്വിസ് മാസ്റ്റര്‍ ആര്‍ പ്രഭാകരന്‍, അസിസ്റ്റന്റ് ഇന്‍ഫര്‍മേഷന്‍ ഓഫിസര്‍ സി.പി അബ്ദുല്‍ കരീം സംസാരിച്ചു. കണ്ണൂര്‍, തലശ്ശേരി, തളിപ്പറമ്പ് വിദ്യാഭ്യാസ ജില്ലകളിലെ മല്‍സരങ്ങളില്‍ നിന്ന് ആദ്യമൂന്ന് സ്ഥാനങ്ങള്‍ നേടിയവരാണ് ജില്ലാതല മല്‍സരങ്ങളില്‍ പങ്കെടുത്തത്.
ക്വിസ് മല്‍സരത്തില്‍ കെ സ്‌നിഗ്ദ്ധ (ആര്‍.ജി.എം.എച്ച്.എസ്.എസ് മൊകേരി), എന്‍ മാളവിക (ജി.എച്ച്.എസ്.എസ്, വടക്കുമ്പാട്), ആല്‍ബിന്‍ ജിജി (ബി.വി.ജെ.എം.എച്ച്.എസ്.എസ്) എന്നിവര്‍ ആദ്യ മൂന്ന് സ്ഥാനങ്ങള്‍ നേടി. കവിതാപാരായണ മല്‍സരത്തില്‍ കെ ഹേന (അരോളി എച്ച്.എസ്.എസ് പാപ്പിനിശ്ശേരി) ഒന്നാമതായി.