ചെറുവത്തൂര്‍ (കാസര്‍കോട്): ദേശീയപാതയില്‍ ചെറുവത്തൂര്‍ ഞാണങ്കൈയില്‍ ടാങ്കര്‍ ലോറി മറിഞ്ഞു. ഗ്യാസ് ചോരുന്നുവെന്ന സംശയത്തെ തുടര്‍ന്ന് വാഹനങ്ങള്‍ വഴിതിരിച്ചുവിട്ടു. കൂടുതല്‍ പരിശോധനയിലൂടെ ഗ്യാസ് ചോരുന്നില്ലെന്ന് ഉറപ്പാക്കി.

ഗ്യാസ് ചോരുന്നുവെന്ന സംശയത്തെതുടര്‍ന്ന് പ്രദേശവാസികള്‍ക്ക് ജാഗ്രതാ നിര്‍ദേശം നല്‍കിയിരുന്നു. മംഗലാപുരത്ത് നിന്നും കോഴിക്കോട്ടേക്ക് പാചകവാതകവുമായി പോവുകയായിരുന്നു ലോറി. ഡ്രൈവറും ക്ലീനറും പരുക്കുകളില്ലാതെ രക്ഷപ്പെട്ടു.

സംഭവത്തോടനുബന്ധിച്ച് ചന്തേര പൊലിസും തൃക്കരിപ്പൂരില്‍ നിന്നു ഫയര്‍ഫോഴ്‌സും സ്ഥലത്തെത്തിയിട്ടുണ്ട്.