കൊടുങ്ങല്ലൂര്‍: നഗരത്തിലെ ഹോട്ടലില്‍ ഭക്ഷണം കഴിക്കാനെത്തിയ വിദേശ വനിതകളോടു മദ്യപിച്ച് ബഹളം വച്ചയാള്‍ക്കെതിരേ പൊലിസ് കേസെടുത്തു.
എടവിലങ്ങ് സ്വദേശി മാവുംകൂട്ടത്തില്‍ മുകേഷി(29) നെതിരേയാണ് പൊലിസ് കേസെടുത്തത്. തിങ്കളാഴ്ച ഉച്ചയോടെ ടൗണ്‍ഹാളിനു സമീപമുള്ള ഹോട്ടലില്‍ ഭക്ഷണം കഴിക്കാനെത്തിയ അമേരിക്കന്‍ സ്വദേശികളായ വനിതകളോടു മദ്യപിച്ചെത്തിയ ഇയാള്‍ ബഹളം വയ്ക്കുകയായിരുന്നു. വിദേശികളുടെ കൂടെയുണ്ടായിരുന്ന സന്ദീപ് എന്നയാള്‍ പൊലിസില്‍ പരാതി നല്‍കിയതിനെ തുടര്‍ന്ന് മുകേഷിനെതിരേ കേസെടുക്കുകയായിരുന്നു.