കോതമംഗലം: ബി.എസ്.എന്‍.എല്‍ കോതമംഗലം ഡിവിഷണല്‍ വെല്‍ഫെയര്‍ കമ്മിറ്റിയുടെ ആഭിമുഖ്യത്തില്‍ കുടുംബസംഗമവും സര്‍വീസില്‍ നിന്ന് വിരമിച്ചവര്‍ക്ക് യാത്രയയപ്പും സംഘടിപ്പിച്ചു. എം.ജി യൂനിവേഴ്‌സിറ്റി സിന്‍ഡിക്കേറ്റംഗം ഡോ. അജി സി പണിക്കര്‍ ഉദ്ഘാടനം ചെയ്തു. നെല്ലിമറ്റം സബ് ഡിവിഷണല്‍ എന്‍ജിനിയര്‍ എം.എസ് സുരേന്ദ്രന്‍, ചേലാട് എക്‌സേഞ്ചിലെ ടെലികോം ടെക്‌നീഷ്യന്‍മാരായ എം.ആര്‍ ശശിധരന്‍ നായര്‍, സി.പി തമ്പി എന്നിവര്‍ക്കാണ് യാത്രയയപ്പ് നല്‍കിയത്. വിവിധ പരീക്ഷകളില്‍ ഉന്നത വിജയം നേടിയ ജീവനക്കാരുടെ മക്കള്‍ക്ക് ചടങ്ങില്‍ ഉപഹാരങ്ങള്‍ നല്‍കി. ഡിവിഷണല്‍ എന്‍ജിനീയര്‍ പി സുജാത അധ്യക്ഷയായിരുന്നു. എസ് ഗണേശന്‍, എം.കെ ശ്യാമള, ടി.കെ കുര്യാക്കോസ്, സാബു മാത്യു, എ.എന്‍ ബാലകൃഷ്ണന്‍, സി.കെ പൗലോസ്, കെ.എന്‍ മുരുകന്‍, പി.എ മോഹനന്‍, എ.എക്‌സ് മഹാദേവന്‍ എന്നിവര്‍ സംസാരിച്ചു.