കൊണ്ടോട്ടി: ഉറങ്ങിക്കിടന്ന കുട്ടിയുടെ ദേഹത്തുനിന്നു മൂന്ന് പവന്‍ സ്വര്‍ണവും വീട്ടില്‍ സീക്ഷിച്ചിരുന്ന പതിനായിരം രൂപയും മോഷണംപോയി. ചൊവാഴ്ച പുലര്‍ച്ചെ തലേക്കര പറമ്പാടന്‍ അഹമ്മദ്  ശരീഫിന്റെ വീട്ടിലാണ് മോഷണം നടന്നത്. അടുക്കള വാതില്‍വഴി അകത്തു കയറിയാണ് മോഷണം നടത്തിയത്. മുറിയില്‍ ഉറങ്ങുകയായിരുന്ന കുട്ടിയുടെ ശരീരത്തിലുണ്ടായിരുന്ന ആഭരണവും അലമാരയില്‍  സൂക്ഷിച്ചിരുന്ന പണവുമാണ് നഷ്ടമായത്. സംഭവത്തില്‍ കരിപ്പൂര്‍ പൊലിസ് കേസെടുത്ത് അന്വേഷണം ആരംഭിച്ചു.