പേരാമ്പ്ര: മേഖല കോ.ഓപ്പറേറ്റീവ് ബാങ്കിന്റെ നവീകരിച്ച ഇ.കെ നായനാര്‍ സ്മാരക ഓഡിറ്റോറിയത്തിന്റെ ഉദ്ഘാടനം മന്ത്രി ടി.പി രാമകൃഷ്ണന്‍ നിര്‍വഹിക്കും. 15ന് വൈകീട്ട് അഞ്ചിന് നടക്കുന്ന ചടങ്ങില്‍ മുന്‍പ്രസിഡന്റുമാരുടെ ഫോട്ടോ അനാഛാദനം ചെയ്യുമെന്ന് സംഘാടകര്‍ അറിയിച്ചു.ചടങ്ങില്‍ മേഖലയിലെ എസ്.എസ്.എല്‍.സി, പ്ലസ്ടു പരീക്ഷകളില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികളെ അനുമോദിക്കും. ഊരാളുങ്കല്‍ ലേബര്‍ കോണ്‍ട്രാക്റ്റ് സൊസൈറ്റിയാണ് നവീകരണ പ്രവൃത്തി നടത്തിയത്. 1946ല്‍ മേഞാണ്യം പി.സി.സി സൊസൈറ്റിയാണ് 1959ല്‍ മേഖല കോ.ഓപ്പറേറ്റീവ് ബാങ്കായി മാറിയത്. മെയിന്‍ ബ്രാഞ്ചിന് പുറമേ എരവട്ടൂര്‍, പന്തിരിക്കര, പേരാമ്പ്ര മാര്‍ക്കറ്റ്, എന്നിവിടങ്ങളില്‍ ബാങ്കിന് ശാഖകളുണ്ട്.