അരീക്കോട്: കേരള വ്യാപാരി വ്യവസായി ഏകോപന സമിതി ഏറനാട് മണ്ഡലം കമ്മിറ്റി ജില്ലാ സാരഥികളായി തെരഞ്ഞെടുത്തവരെ ആദരിച്ചു. ചടങ്ങില്‍ കാവനൂര്‍ സ്പര്‍ശം പാലിയേറ്റിവ് കെയറിന് വാഹനം നല്‍കി. മണ്ഡലം പ്രസിഡന്റ് ചാലില്‍ ഇസ്മാഈല്‍ അധ്യക്ഷനായി. കാവനൂര്‍ പഞ്ചായത്ത് പ്രസിഡന്റ് വിദ്യാവതി ഉദ്ഘാടനം ചെയ്തു. ജില്ലാ പ്രസിഡന്റ് പി. കുഞ്ഞാവു ഹാജി പാലിയേറ്റിവ് കെയറിനുള്ള വാഹനത്തിന്റെ താക്കോല്‍ കൈമാറി. ജില്ലാ ജന.സെക്രട്ടറി എം. കുഞ്ഞുമുഹമ്മദ്, ട്രഷറര്‍ നൗഷാദ് കളപ്പാടന്‍, നിവില്‍ ഇബ്രാഹിം എന്നിവരെ ആദരിച്ചു. ടി.എ മജീദ്, വി.എ നാസര്‍, അല്‍ മോയ റസാഖ്, കാവനൂര്‍ പഞ്ചായത്ത് വൈസ് പ്രസിഡന്റ് കെ. അഹമ്മദാജി, എം. സൈനുദ്ദീന്‍ ഹാജി, സി. മൊയ്തീന്‍കുട്ടി ഹാജി, ടി.കെ ബാവ, അബ്ദുല്‍ ഖാദര്‍ സഖാഫി, കെ. കുഞ്ഞുട്ടി, രാമചന്ദ്രന്‍, വി.പി കുഞ്ഞപ്പന്‍, ബാലന്‍ മാട്ടട തുടങ്ങിയവര്‍ സംബന്ധിച്ചു.