തലശ്ശേരി: ലയേണ്‍സ് ക്ലബ് തലശ്ശേരി, കേരള ഫെഡറേഷന്‍ ഓഫ് ദി ബ്ലൈന്റ് ആന്റ് മലബാര്‍ ഐ ഹോസ്പിറ്റല്‍ കണ്ണൂര്‍ എന്നിവയുടെ ആഭിമുഖ്യത്തില്‍ 15 ന് രാവിലെ ഒമ്പതു മുതല്‍ നാലുവരെ തലശ്ശേരിയില്‍ വൈറ്റ് കെയിന്‍ സേഫ്റ്റി ഡേ ദിനാചരണവും സെമിനാറും, റാലിയും പൊതു സമ്മേളനവും സൗജന്യ നേത്രപരിശോധനയും നടത്തും. രാവിലെ ഒമ്പതു മണി മുതല്‍ ഒരുമണി വരെ നടക്കുന്ന ക്യാംപില്‍ പങ്കെടുക്കാന്‍ ആഗ്രഹിക്കുന്നവര്‍ രാവിലെ ഒമ്പതു മണിക്കും ഉച്ചക്ക് ഒരുമണിക്കും മുമ്പായി ബി.ഇ.എം.പി ഹയര്‍ സെക്കന്‍ഡറി സ്‌കൂളില്‍ എത്തിച്ചേരണം. സൗജന്യ നേത്രപരിശോധന ക്യാംപ് 11.30 ന് ആരംഭിക്കും. ഉച്ചക്ക് 2 .30 ന് തലശ്ശേരി സ്റ്റേഡിയത്തില്‍ നിന്നും റാലി ഫ്‌ളാഗ് ഓഫ് ചെയ്യും. പുതിയ ബസ് സ്റ്റാന്റ് പരിസരത്ത് വൈകിട്ട് 3. 30 ന് പൊതുസമ്മേളനം നടക്കും. വാര്‍ത്താ സമ്മേളനത്തില്‍ സാജു വാകാനി പുഴ, ടി.എന്‍ മുരളീധരന്‍, അനൂപ് കേളോത്ത് എം.എം സാജിദ് പങ്കെടുത്തു.