കണ്ണൂര്‍: വംശ നശീകരണത്തിന്റെ ഭാഗമായാണ് രമിത്തിനെ സി.പി.എം കൊലപ്പെടുത്തിയതെന്ന് ബി.ജെ.പി ജില്ലാ പ്രസിഡണ്ട് പി സത്യപ്രകാശ് പ്രസ്താവനയില്‍ പറഞ്ഞു.
2002ല്‍ ബസ് ഡ്രൈവറായിരുന്ന ഉത്തമനെ ബസ് തടഞ്ഞു നിര്‍ത്തി കൊലപ്പെടുത്തിയ സി.പി.എം അദ്ദേഹത്തിന്റെ വിലാപയാത്രയില്‍ പങ്കെടുത്ത അമ്മു അമ്മ, ശിഹാബ് എന്നിവരെ ബോംബ് എറിഞ്ഞു കൊലപെടുത്തിയിരുന്നു. ഇപ്പോള്‍ വര്‍ഷങ്ങള്‍ക്കു ശേഷം അദ്ദേഹത്തിന്റെ ഏക മകന്‍ ആയ രമിത്തിനെയും സി.പി.എം നേതൃത്വത്തിന്റെ ഗുഡാലോചനയുടെ ഫലമായി വെട്ടിക്കൊലപ്പെടുത്തി. ഭരണ സംവിധാനം ദുരുപയോഗം ചെയ്തു സി.പി.എം നടത്തുന്ന അക്രമ കൊലപാതകങ്ങളെക്കുറിച്ച് സമഗ്രാന്വേഷണം വേണമെന്ന് സത്യപ്രകാശ് പ്രസ്താവനയില്‍ പറഞ്ഞു.