കയ്പമംഗലം: ചളിങ്ങാട് പ്രവാസി ട്രസ്റ്റിന്റെ ആഭിമുഖ്യത്തില്‍ ജന്‍ ഔഷധി മെഡിക്കല്‍ സ്റ്റോര്‍ കയ്പമംഗലം മൂന്നുപീടികയില്‍ പ്രവര്‍ത്തനം ആരംഭിച്ചു.
ഇന്നലെ രാവിലെ നടന്ന ചടങ്ങില്‍ സാമൂഹിക പ്രവര്‍ത്തക ഉമ പ്രേമന്‍ മെഡിക്കല്‍ സ്റ്റോറിന്റെ ഉദ്ഘാടനം നിര്‍വഹിച്ചു. ട്രസ്റ്റ് വൈസ് പ്രസിഡന്റ് വി.എ ജെസീര്‍ അധ്യക്ഷനായി. പെരിഞ്ഞനം ഗ്രാമപഞ്ചായത്ത് പ്രസിഡന്റ് കെ.കെ സച്ചിത്ത് ഷെയര്‍ സര്‍ട്ടിഫിക്കറ്റ് വിതരണം നടത്തി.
കയ്പമംഗലം ഗ്രാമപഞ്ചായത്ത് പ്രസിഡന്റ് ടി.വി സുരേഷ് മെമ്പര്‍ഷിപ്പ് കാര്‍ഡ് വിതരണം ചെയ്തു. സാധാരണക്കാരന് ഒരു കൈതാങ്ങായി പകുതിയിലേറെ വിലക്കുറവില്‍ ഗുണമേന്‍മയുള്ള അലോപ്പതി മരുന്നുകള്‍ ലഭ്യമാക്കുക എന്ന ലക്ഷ്യത്തോടെയാണ് ചളിങ്ങാട് പ്രവാസി ട്രസ്റ്റ് അംഗങ്ങള്‍ ജന്‍ ഔഷധി മെഡിക്കല്‍ സ്‌റ്റോറിന് തുടക്കമിട്ടത്.
മതിലകം എസ്.ഐ സുശാന്ത്, ട്രസ്റ്റ് ഭാരവാഹികളായ കെ.എം.സൈഫുദ്ദീന്‍, ടി.എസ്.മുസ്തഫ, കെ.എച്ച്.ബഷീര്‍, പി.എ.നസീര്‍, ഒ.എച്ച്.ഷാജഹാന്‍ എന്നിവര്‍ സംസാരിച്ചു.