കോഴിക്കോട്: സുന്നി യുവജന സംഘം കോഴിക്കോട് ജില്ലാ കമ്മിറ്റി പഞ്ചായത്ത് കേന്ദ്രമായി നടത്തി വരുന്ന മജ്‌ലിസുന്നൂര്‍ വാര്‍ഷികം 19ന് വൈകിട്ട് ഏഴിന് നരിക്കുനി പുല്ലാളൂരില്‍ നടക്കും.
സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. എസ്.വൈ.എസ് ജില്ലാ പ്രസിഡന്റ് സി.എച്ച് മഹ്മൂദ് സഅദി അധ്യക്ഷനാവും. അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. കെ. ഉമര്‍ ഫൈസി മുക്കം, എ.വി അബ്ദുറഹിമാന്‍ മുസ്‌ലിയാര്‍, നാസര്‍ ഫൈസി കൂടത്തായി, അബ്ദുല്‍ ബാരി ബാഖവി, ആനമങ്ങാട് മുഹമ്മദ് കുട്ടി ഫൈസി, ടി.വി.സി അബ്ദുസമദ് ഫൈസി പ്രസംഗിക്കും.
പാറന്നൂര്‍ ഇബ്‌റാഹിം മുസ്‌ലിയാര്‍ സ്മാരക അക്കാദമിയാണ് പരിപാടി സംഘടിപ്പിക്കുന്നത്. പരിപാടി വിജയിപ്പിക്കണമെന്നും ഇന്ന് പള്ളികളില്‍ ഇത് സംബന്ധമായി ഉല്‍ബോധിപ്പിക്കണമെന്നും സമസ്ത കോഴിക്കോട് ജില്ലാ പ്രസിഡന്റ് ചേലക്കാട് മുഹമ്മദ് മുസ്‌ലിയാരും ജ.സെക്രട്ടറി ഉമര്‍ ഫൈസി മുക്കവും എസ്.വൈ.എസ് ജില്ലാ പ്രസിഡന്റ് സി.എച്ച് മഹ്മൂദ് സഅദിയും ജന. സെക്രട്ടറി നാസര്‍ ഫൈസി കൂടത്തായിയും അഭ്യര്‍ഥിച്ചു.