കൊടുങ്ങല്ലൂര്‍: പ്ലസ്ടു പരീക്ഷയിലും കൊടുങ്ങല്ലൂരിലെ സ്‌കൂളുകളില്‍ മിന്നുന്ന വിജയം. സര്‍ക്കാര്‍ സ്‌കൂളുകളായ ശൃംഗപുരം ഗവ.ഹയര്‍ സെക്കന്ററിയും, കൊടുങ്ങല്ലൂര്‍ ഗവ.ഗേള്‍സ് ഹയര്‍ സെക്കന്ററിയിലും ഉയര്‍ന്ന വിജയശതമാനമാണ്. ശൃംഗപുരം ഗവ.ഹയര്‍ സെക്കന്ററിയില്‍ 236 പേരില്‍ 231 പേരും വിജയം കണ്ടു. 17 പേര്‍ എല്ലാ വിഷയങ്ങളിലും എ പ്ലസ് കരസ്ഥമാക്കി.   സയന്‍സ് ഗ്രൂപ്പില്‍ നൂറ് ശതമാനമാണ് വിജയം. കോമേഴ്‌സില്‍ 97 ശതമാനവും, ഹ്യുമാനിറ്റിക്‌സില്‍ 95 ശതമാനവും വിജയം കരസ്ഥാമാക്കി. പനങ്ങാട് ഹയര്‍ സെക്കന്ററി സ്‌ക്കൂളില്‍ 97 ശതമാനം വിജയം നേടി. 228 പേര്‍ പരീക്ഷ എഴുതിയതില്‍ 221 പേര്‍ വിജയിച്ചു. എല്ലാ വിഷയത്തിലും എട്ട് പേര്‍ എപ്ലസ് നേടി. കൊടുങ്ങല്ലൂര്‍ ഗവ.ഗേള്‍സ് ഹയര്‍ സെക്കന്ററിയില്‍ 197 പേരില്‍ 174 പേര്‍ വിജയിച്ചു. ഒമ്പത് പേര്‍ എല്ലാ വിഷയങ്ങളിലും എപ്ലസ് നേടി. സയന്‍സ് ഗ്രൂപ്പില്‍ 98 ശതമാനവും, കോമേഴ്‌സില്‍ 98 ശതമാനവും, കമ്പ്യൂട്ടര്‍ സയന്‍സില്‍ 38 ശതമാനവുമാണ് വിജയം. പുല്ലൂറ്റ് വി.കെ.രാജന്‍ ഗവ.ഹയര്‍ സെക്കന്ററിയില്‍ 118 പേരില്‍ 83 പേര്‍ വിജയിച്ചപ്പോള്‍ എല്ലാ വിഷയങ്ങളിലും ആര്‍ക്കും എപ്ലസ് ലഭിച്ചില്ല. എടവിലങ്ങ് ഗവ.ഹയര്‍ സെക്കന്ററി സ്‌ക്കൂളില്‍ 121 പേരില്‍ 55 പേര്‍ മാത്രമാണ് വിജയിച്ചത്. മതിലകം സെന്റ് ജോസഫ്‌സില്‍ 214 ല്‍ 168 പേര്‍ വിജയിച്ചു. കോട്ടപ്പുറം സെന്റ് ആന്‍സ് ഹയര്‍ സെക്കന്ററി സ്‌ക്കൂളില്‍ 115 പേരില്‍ 105 പേര്‍ വിജയിച്ചു. സയന്‍സില്‍ 95 ശതമാനവും, ഹ്യുമാനിറ്റ്‌സില്‍ 88 ശതമാനവുമാണ് വിജയം. എറിയാട് കേരളവര്‍മ്മ ഗവ.ഹയര്‍ സെക്കന്റ്‌റി സ്‌ക്കൂളില്‍ 222 ല്‍ 163 പേര്‍ വിജയിച്ചു. 2 പേര്‍ക്ക് എല്ലാ വിഷയത്തിലും എപ്ലസ് ലഭിച്ചു. അഴീക്കോട് സീതിസാഹിബ് മെമ്മോറിയല്‍ ഹയര്‍ സെക്കന്റ്‌റിയില്‍ 52 ല്‍ 34 പേര്‍ വിജയിച്ചു.