പാട്ടവയല്‍: നെല്ലാക്കോട്ട ഗ്രാമ പഞ്ചായത്തിലെ പാട്ടവയല്‍ ടൗണിലും പരിസരത്തും തെരുവ് വിളക്കുകള്‍ കത്തുന്നില്ലെന്ന് പരാതി. ഇതുസംബന്ധിച്ച് വൈദ്യുതി ബോര്‍ഡ് അധികൃതര്‍ക്കും പഞ്ചായത്ത് അധികൃതര്‍ക്കും പരാതി നല്‍കിയിട്ടും ഇതുവരെ പരിഹാരം ഉണ്ടായിട്ടില്ല. വന്യജീവി ശല്യമുള്ള പ്രദേശമാണിത്. രാത്രി സമയങ്ങളില്‍ ഇതുവഴി സഞ്ചരിക്കാന്‍ പറ്റാത്ത സ്ഥിതിയാണിപ്പോള്‍. പഞ്ചായത്ത് അധികൃതര്‍ തെരുവ് വിളക്കുകള്‍ സ്ഥാപിക്കുമെങ്കിലും വൈദ്യുതി ലൈനില്‍ ചരക്കു ലോറി ഉരസുന്നതിനെ തുടര്‍ന്ന് ഇവ പ്രവര്‍ത്തന രഹിതമാകുകയാണെന്നാണ് നാട്ടുകാര്‍ പറയുന്നത്. പാട്ടവയല്‍ മേഖലയില്‍ വൈദ്യുതി ലൈന്‍ വളരെ താഴ്ന്നാണ് കിടക്കുന്നത്. താഴ്ന്ന് കിടക്കുന്ന ലൈനുകള്‍ മാറ്റി സ്ഥാപിക്കണമെന്നാണ് നാട്ടുകാര്‍ ആവശ്യപ്പെടുന്നത്.