വണ്ടൂര്‍: കാരക്കാപറമ്പ് റോഡില്‍ വിറകുമായെത്തിയ ഗുഡ്‌സ് ഓട്ടോ വീടിനു മുകളിലേക്ക് മറിഞ്ഞു. അപകടത്തില്‍ വീടിന്റെ ഒരുഭാഗത്തെ മേല്‍ക്കൂര പാടെ തകര്‍ന്നു.
വിറക് ഇറക്കാന്‍ വേണ്ടി വീടിനു മുന്‍വശത്ത് നിര്‍ത്തുന്നതിനിടെ താഴ്ചയിലുള്ള വീടിനു മുകളിലേക്ക് മറിയുകയായിരുന്നു.
നിറയെ ലോഡുള്ളതിനാല്‍ വണ്ടിയുടെ മുന്‍വശം പൊന്തിയതാണ് വണ്ടി മറിയാന്‍ കാരണമെന്ന് നാട്ടുകാര്‍ പറഞ്ഞു. സംഭവ സമയത്ത് വീടിനുള്ളില്‍ ആളുകള്‍ ഇല്ലായിരുന്നു.
ഡ്രൈവര്‍ വണ്ടിയില്‍ നിന്നും ചാടിയതിനല്‍ അപകടം ഒഴിവായി.