കണ്ണൂര്‍: സ്വാശ്രയ മെഡിക്കല്‍ കോളജ് ഫീസ് വര്‍ധനയില്‍ സര്‍ക്കാര്‍ സ്വീകരിക്കുന്ന ജനദ്രോഹ സമീപനം തുറന്നുകാണിക്കുന്നതിനു നാളെ കണ്ണൂരില്‍ ജനസദസ് സംഘടിപ്പിക്കും.  വൈകുന്നേരം നാലിന് സ്റ്റേഡിയം കോര്‍ണറില്‍ നടക്കുന്ന പരിപാടിയില്‍ യു.ഡി.എഫ് സംസ്ഥാന നേതാക്കള്‍ പങ്കെടുക്കും. മുസ്‌ലിംലീഗ് കൗണ്‍സിലര്‍മാര്‍, ജനപ്രതിനിധികള്‍, മണ്ഡലം, പഞ്ചായത്ത് കമ്മിറ്റി ഭാരവാഹികള്‍, പോഷക സംഘടനാ ജില്ലാ ഭാരവാഹികള്‍ എന്നിവര്‍ പങ്കെടുക്കണമെന്നു ജില്ലാ  പ്രസിഡന്റ് പി കുഞ്ഞിമുഹമ്മദും ജനറല്‍ സെക്രട്ടറി അബ്ദുല്‍കരീം ചേലേരിയും അഭ്യര്‍ഥിച്ചു.