എരുമേലി:  എരുമേലി എക്‌സൈസ് റേഞ്ചിന്റെ വിവിധ പ്രദേശങ്ങള്‍ നടത്തിയ റെയ്ഡില്‍ വിദേശമദ്യവും, പുകയില ഉല്‍പന്നങ്ങളും പിടികൂടി. പുഞ്ചവയല്‍ ഭാഗങ്ങളില്‍ ഓട്ടോറിക്ഷയില്‍ വിദേശമദ്യ വില്‍പ്പന നടത്തിയയാളെ എക്‌സൈസ് അറസ്റ്റു ചെയ്തു.
പുഞ്ചവയല്‍ കതിരക്കോട്ട്മലയില്‍ തങ്കച്ചനെയാണ് അറസ്റ്റു ചെയ്തത്. ഇയാളെ കോടതിയില്‍ ഹാജരാക്കി റിമാന്റ് ചെയ്തു. വിവിധ പ്രദേശങ്ങളില്‍ സ്‌ക്കൂളുകളുടെ പരിസരങങ്‌ളിലുളള കടകളില്‍ നടത്തിയ പരിശോധനയിലാണ് പുകയില ഉല്‍പ്പന്നങ്ങള്‍ പിടികൂടിയത്.
എക്‌സൈസ് ഇന്‍സ്‌പെക്ടര്‍ ജെ.എസ് ബിനുവിന്റെ നേതൃത്വത്തില്‍ നടന്ന റെയ്ഡില്‍ അസി. എക്‌സൈസ് ഇന്‍സ്‌പെക്ടര്‍ പി.ബി ഹരീന്ദ്രന്‍ നായര്‍, പ്രിവന്റീ്‌വ് ഓഫിസര്‍ അരുണ്‍ സി.ദാസ്, സി.ഇ.ഒമാരായ റ്റി.പി തോമസ്, റ്റി.എസ് രതീഷ്, ജോഷി, ഈപ്പന്‍ പി. മാത്യു എന്നിവര്‍ പങ്കെടുത്തു.