പത്തനംതിട്ട: ശബരിമല മേല്‍ശാന്തി നറുക്കെടുപ്പ് നാളെ സന്നിധാനത്ത് നടക്കും. മാളികപ്പുറം നടയിലേക്കുള്ള മേല്‍ശാന്തിയെയും അന്നുതന്നെ തെരഞ്ഞെടുക്കും. ഇതിനായി പന്തളം കൊട്ടാരത്തില്‍ നിന്ന് എന്‍. നവനീത് വര്‍മ്മയും ലാവണ്യ എസ്. രാജയും ഇന്ന് മലകയറും.
2011 ലെ സുപ്രിംകോടതി ഉത്തരവ് പ്രകാരം പന്തളം കൊട്ടാരം വലിയതമ്പുരാന്‍ രേവതിനാള്‍ പി. രാമവര്‍മ്മരാജയും കൊട്ടാരം നിര്‍വാഹകസംഘം ഭാരവാഹികളും ചേര്‍ന്നാണ് നറുക്കെടുപ്പിനുള്ള കുട്ടികളെ തെരഞ്ഞെടുത്തത്.
തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍, അംഗം അജയ് തറയില്‍, കമ്മിഷണര്‍ രാമരാജ പ്രേമ പ്രസാദ്, തന്ത്രി കണ്ഠര് രാജീവര്, നിലവിലുള്ള മേല്‍ശാന്തി എസ്.ഇ ശങ്കരന്‍ നമ്പൂതിരി എന്നിവര്‍ നറുക്കെടുപ്പിന് നേതൃത്വം നല്‍കും.