കോഴിക്കോട്: കേരളത്തിന്റെ വികസനസാധ്യതകള്‍  കണ്ടെത്തുന്നതിനുള്ള കോണ്‍ക്ലേവ് 22, 23 തീയതികളില്‍ യു.എല്‍.സി.സി സൈബര്‍ പാര്‍ക്കില്‍ നടക്കുമെന്ന് സംഘാടകരായ ഡോ. ആസാദ് മൂപ്പന്‍, എ.കെ നിഷാദ്,  സി.എസ് ആഷിഖ് എ.എം, രോഷന്‍ കൈനടി എന്നിവര്‍ അറിയിച്ചു. മലബാര്‍ മേഖലയില്‍ നിന്നുള്ള പ്രമുഖ വ്യവസായ സംരംഭകരും  പ്രൊഫഷണലുകളും ചേര്‍ന്ന് രൂപംനല്‍കിയ സന്നദ്ധ സംഘടനയായ ഗ്രേറ്റര്‍ മലബാര്‍ ഇനീഷ്യേറ്റീവിന്റെ ആഭിമുഖ്യത്തിലാണ് പരിപാടി സംഘടിപ്പിക്കുന്നത്.
കേരളത്തില്‍ നിക്ഷേപംനടത്താന്‍ താല്‍പര്യപ്പെടുന്ന  പ്രവാസി സംരംഭകരും വിദേശനിക്ഷേപകരും ഇന്ത്യയിലെ പ്രമുഖ  കോര്‍പറേറ്റ് മേധാവികളും മുഖ്യമന്ത്രിയുള്‍പ്പെടെയുള്ള മന്ത്രിമാരും സംബന്ധിക്കും. ലോകത്തിലെ ഏറ്റവും വലിയ കണ്‍സള്‍ട്ടന്‍സി സ്ഥാപനങ്ങളായ ഏണസ്റ്റ് ആന്റ് യങ്, കെ.പി.എം.ജി പ്രൈസ് വാട്ടര്‍ ഹൗസ് കൂപ്പേഴ്‌സ് എന്നിവര്‍ നിക്ഷേപസാധ്യതകളും വികസനസാധ്യതകളും പഠനവിധേയമാക്കി  അവതരിപ്പിക്കും.