തൊടുപുഴ: സി.ബി.എസ്.ഇ സെന്‍ട്രല്‍ സ്‌കൂള്‍ കലോത്സവത്തിനു നാളെ മുട്ടം ഷാന്താള്‍ ജ്യോതിയില്‍ തുടക്കമാകും. 17, 20, 26, 27, 28 തീയതികളില്‍ നടക്കുന്ന കലോത്സവത്തില്‍ ഇടുക്കി, കോട്ടയം, എറണാകുളം, തൃശൂര്‍ ജില്ലകളിലെ 105 സ്‌കൂളിലെ കുട്ടികള്‍ പങ്കെടുക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
140 മത്സരഇനങ്ങളാണ് ഉള്ളത്. 17നു ഓഫ് സ്റ്റേജ് മത്സരങ്ങളാണ് നടത്തുന്നത്. മത്സരങ്ങളുടെ മുന്നോടിയായുള്ള വിളബംര ജാഥ 18 നു മുട്ടം ടൗണില്‍ നടക്കും. 20നു കലോത്സവത്തിന്റെ ഉദ്ഘാടനം ജോയ്‌സ് ജോര്‍ജ് എം.പി നിര്‍വഹിക്കും. സെന്‍ട്രല്‍ സ്‌കൂള്‍ സഹോദയ പ്രസിഡന്റ് ഫാ. സിജന്‍ പോള്‍ ഉന്നുകല്ലേല്‍ അധ്യക്ഷ വഹിക്കും. എസ്.ജെ.പി.എസ് മാനേജര്‍ സിസ്റ്റര്‍ ലിസി വടക്കേച്ചിറയാത്ത്, മുട്ടം സിബിഗിരി പള്ളിവികാരി ഫാ. കുര്യന്‍ കോട്ടയില്‍, മുട്ടം പഞ്ചായത്ത് പ്രസിഡന്റ് കുട്ടിയമ്മ മൈക്കിള്‍, മെമ്പര്‍ ഷൈജാ ജോമോന്‍, പി.ടി.എ പ്രസിഡന്റ് പി.ടി പ്രകാശ്, സെന്‍ട്രല്‍ സഹോദയ സെക്രട്ടറി ബോബി ജോസഫ് എന്നിവര്‍ സംസാരിക്കും. 26,27,28 തീയതികളില്‍ സ്‌റ്റേജ് മത്സരങ്ങള്‍ നടക്കും. 28നു സമാപന സമ്മേളനത്തില്‍ പി.ജെ ജോസഫ് എംഎല്‍എ മുഖ്യാഥിതിയായിരിക്കും. ഇടുക്കി കലക്ടര്‍ ജി.ആര്‍ ഗോകുല്‍, സിനിമാതാരം ദേവന്‍ എന്നിവര്‍ പങ്കെടുക്കും. വാര്‍ത്താസമ്മേളനത്തില്‍ ഷാന്താള്‍ ജ്യോതി പ്രിന്‍സിപ്പല്‍ ലിസാ എസ്എബിഎസ്, ജോയിന്റ് കണ്‍വീനര്‍മാരായ ജോസഫ് ജോണ്‍, ഷൈജു ഈപ്പന്‍, പ്രോഗ്രാം കോ-ഓര്‍ഡിനേറ്റര്‍മാരായ എ.എസ് മനോജ്, ടെസി ആന്റണി എന്നിവര്‍ പങ്കെടുത്തു.