പെരുമ്പാവൂര്‍: പുളിനാട്ട് ലെയിനിലെ വീട്ടില്‍ മോഷണം നടത്തിയ പ്രതിയുടേതെന്ന് സംശയിക്കുന്നയാളുടെ ചിത്രം വീട്ടിലെ സി.സി ടി.വി കാമറയില്‍ പതിഞ്ഞു. ജനല്‍ പാളി തുറന്ന് ആളില്ലാത്ത മുറിയിലെ ജനലിന്റെ ഗ്രില്ല് അറുത്ത് മാറ്റി അകത്ത് കയറിയ മോഷ്ടാവ് കിടപ്പ് മുറിയിലെ അലമാരി തുറന്ന് പണവും സ്വര്‍ണാഭരണങ്ങളും മോഷ്ടിക്കുകയായിരുന്നു. ഇതിനിടെ മോഷ്ടാവ് വീട്ട്മുറ്റത്ത് കൂടി നടക്കുന്ന ചിത്രമാണ് സി.സി.ടി.വി കാമറയില്‍ പതിഞ്ഞിരിക്കുന്നത്.
കഴിഞ്ഞ ഒമ്പതിന് രാത്രിയിലാണ് സംഭവം. മോഷണത്തിന് തലേ ദിവസവും ഇയാല്‍ ഈ വീട്ടില്‍ എത്തിയിരുന്നതായി കാമറയിലെ ചിത്രത്തില്‍ വ്യക്തമാക്കുന്നു. മുറിയില്‍ ആളുണ്ടെന്ന് കണ്ട് സ്ഥലം വിടുകയായിരുന്നു. ഇയാളെ കുറിച്ച് എന്തെങ്കിലും വിവരം കിട്ടുന്നവര്‍ താഴെപറയുന്ന നമ്പറുകളില്‍ അറിയിക്കേണ്ടതാണെന്ന് പൊലിസ് പറഞ്ഞു. എസ്.ഐ പെരുമ്പാവൂര്‍ 9497980487, പെരുമ്പാവൂര്‍ പൊലിസ് സ്റ്റേഷന്‍ 0484-2591411.