പൊന്നാനി: മലപ്പുറം കരുവാരക്കുണ്ടിന് സമീപം കേരളാംകുണ്ട് വെള്ളച്ചാട്ടത്തില്‍ കാണാതായ പൊന്നാനി എരമംഗലം സ്വദേശിയായ യുവാവിന്റെ മൃതദേഹം കണ്ടെത്തി. എരമംഗലം താഴത്തുവാക്കയില്‍ സുഹൈലിന്റെ (28) മൃതദേഹമാണ് കിട്ടിയത്.

മൂന്ന് സുഹൃത്തുക്കളോടൊപ്പമാണ് സുഹൈല്‍ വെള്ളച്ചാട്ടവും ടൂറിസ്റ്റ് കേന്ദ്രവും കാണാനെത്തിയത്. നാലുപേരും വെള്ളക്കെട്ടില്‍ ഇറങ്ങിയിരുന്നു. നീന്തലറിയാത്ത സുഹൈലിനെ ഇതിനിടെ കാണാതാവുകയായിരുന്നു. ശനിയാഴ്ച വെള്ളക്കെട്ടില്‍ നാട്ടുകാര്‍ പരിശോധന നടത്തിയിരുന്നെങ്കിലും കണ്ടെത്തിയിരുന്നില്ല.