.

സുല്‍ത്താന്‍ ബത്തേരി: കാലിക്കറ്റ് യൂനിവേഴ്‌സിറ്റി കോളജ് യൂനിയന്‍ തെരഞ്ഞെടുപ്പില്‍ ജനാധിപത്യ കൂട്ടായ്മകളെ വിജയിപ്പിക്കാന്‍ വിദ്യാര്‍ഥികള്‍ രംഗത്തിറങ്ങണമെന്ന് സ്റ്റുഡന്റ്‌സ് ഇസ്‌ലാമിക് ഓര്‍ഗനൈസേഷന്‍ സംസ്ഥാന ജനറല്‍ സെക്രട്ടറി ഷംസീര്‍ ഇബ്രാഹീം പറഞ്ഞു. സുല്‍ത്താന്‍ ബത്തേരിയില്‍ നടന്ന എസ്.ഐ.ഒ ജില്ലാ കേഡര്‍ ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. മാനന്തവാടി ഗവ. കോളജ് ചെയര്‍മാനായി വിജയിച്ച മുഹമ്മദ് ശക്കീബിന് എസ്.ഐ.ഒയുടെ ഉപഹാരം നല്‍കി. എസ്.ഐ.ഒ ജില്ലാ പ്രസിഡന്റ് പി.എച്ച് ലത്വീഫ് അധ്യക്ഷനായി. എസ്.ഐ.ഒ സംസ്ഥാന സെക്രട്ടറിമാരായ ജുമൈല്‍ കൊടിഞ്ഞി, മുജീബ് റഹ്മാന്‍, ജസീം സുല്‍ത്താന്‍ എന്നിവര്‍ വിവിധ സെഷനുകളിലായി വിദ്യാര്‍ഥികളോട് സംവദിച്ചു. ജമാഅത്തെ ഇസ്‌ലാമി ജില്ലാ പ്രസിഡന്റ് മലിക് ശഹബാസ് സമാപന പ്രഭാഷണം നടത്തി.