പാലക്കാട്: ബാലാവകാശ വാരാഘോഷത്തിന്റെ ഭാഗമായി സംസ്ഥാന ബാലാവകാശകമ്മീഷനും ജില്ല ശിശു സംരക്ഷണ യൂനിറ്റും ജില്ലയിലെ വിവിധ സ്‌കൂളുകളില്‍ എട്ട് മുതല്‍ 12ാം ക്ലാസ് വരെയുള്ള വിദ്യാര്‍ഥികള്‍ക്ക് പ്രശ്‌നോത്തരി മത്സരം നടത്തുന്നു.
ബാലാവകാശങ്ങള്‍, കുട്ടികള്‍ക്കുള്ള മറ്റ് നിയമങ്ങള്‍ എന്നിവ വിഷയമാക്കിയാണ് മത്സരം.
ഒരു സ്‌കൂളില്‍ നിന്ന് രണ്ട് മത്സരാര്‍ഥികള്‍ അടങ്ങുന്ന ഒരു ടീമിന് പങ്കെടുക്കാം. ഒക്ടോബര്‍ 18 ന് വൈകീട്ട് അഞ്ച് വരെ റരുൗുസറ@ഴാമശഹ.രീാ എന്ന ഇമെയിലിലേക്ക് സ്‌കൂളിന്റെ ഔദ്യോഗിക ഈമെയില്‍ വിലാസത്തില്‍ നിന്ന് പങ്കെടുക്കുന്ന ടീമിന്റെ വിവരങ്ങള്‍ അയച്ചു രജിസ്റ്റര്‍ ചെയ്യാവുന്നതാണ്.
ജില്ലയിലെ ആദ്യം രജിസ്റ്റര്‍ ചെയ്യുന്ന 25 പേര്‍ക്ക് പങ്കെടുക്കാം. വിശദവിവരം ജില്ല ശിശു സംരക്ഷണ ഓഫിസില്‍ ലഭിക്കും. ഫോണ്‍: 0491-2531098, 8590090086.