കാസര്‍കോട്: 2017 ഫെബ്രുവരി 10, 11, 12 തിയതികളില്‍ തളങ്കര ഹുദൈബിയ്യ നഗറില്‍ നടക്കുന്ന എസ്.കെ.എസ്.എസ്.എഫ് ജില്ലാ സമ്മേളനത്തിന്റെ പ്രചാരണത്തിന്റെ ഭാഗമായി കാസര്‍കോട് മേഖല കമ്മിറ്റി വിവിധ പരിപാടികള്‍ സംഘടിപ്പിക്കുന്നു.
നവംബര്‍ 30 ന് കാസര്‍കോട് മേഖല സമ്മേളനം അണങ്കൂരില്‍ വെച്ച് നടക്കും. പരിപാടിയില്‍ എം.ടി അബൂബക്കര്‍ ദാരിമി അഹ്ലു സുന്നി അവകാശികളും അവകാശവാദികളും എന്ന വിഷയത്തില്‍ പ്രഭാഷണം നടത്തും. നവംബര്‍ 26, 27 തീയതികളില്‍ സുബൈര്‍ മാസ്റ്റര്‍ തോട്ടിക്കലിന്റെ കഥാ പ്രസംഗം നടക്കും.
28നു ഷൗക്കത്തലി വെള്ളമുണ്ടയുടെയും 29നു റഹ്മത്തുള്ള ഖാസിമി മൂത്തേടത്തിന്റെയും പ്രഭാഷണം നടക്കും. മേഖല ഇന്റര്‍ കോണ്‍ സംഘടിപ്പിക്കാന്‍ തീരുമാനിച്ചു. കണ്‍വന്‍ഷന്‍ എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി ഹാരിസ് ദാരിമി ബെദിര ഉദ്ഘാടനം ചെയ്തു. സ്വാഗത സംഘ ചെയര്‍മാന്‍ എസ്.പി സലാഹുദ്ധീന്‍ അധ്യക്ഷനായി. ജനറല്‍ കണ്‍വീനര്‍ ഹാരിസ് ബെദിര, മേഖല പ്രസിഡന്റ് ഹനീഫ് മൗലവി ഉളിയത്തടുക്ക, ജനറല്‍ സെക്രട്ടറി ഇര്‍ഷാദ് ഹുദവി ബെദിര, കെ.എം സൈനുദ്ധീന്‍ ഹാജി കൊല്ലമ്പാടി, സത്താര്‍ ഹാജി അണങ്കൂര്‍, സി.എ അബ്ദുല്ല കുഞ്ഞി ചാല, മുഹമ്മദ് ബേഡകം, മുനീര്‍ അണങ്കൂര്‍, ഹമീദ് ചേരങ്കൈ, സുഹൈല്‍ ഫൈസി, ഹാഷിം ഹുദവി അണങ്കൂര്‍, ഇസ്ഹാഖ് ഹനീഫിഅ റന്തോട്, കടവത്ത് അബ്ദുല്‍ ഖാദര്‍ സംസാരിച്ചു.