തൊടുപുഴ: സെന്‍ട്രല്‍ കേരള സിബിഎസ്ഇ കലോത്സവത്തിന് മുട്ടം ഷന്താള്‍ ജ്യോതി പബ്ലിക് സ്‌കൂളില്‍ തുടക്കമായി. സ്‌റ്റേജിതര ഇനങ്ങളായ പെന്‍സില്‍ ഡ്രോയിങ്, ഉപന്യാസം, കഥാരചന, കവിതാ രചന എന്നീ മത്സരങ്ങളാണ് ആദ്യദിനം അരങ്ങേറിയത്.
കലോത്സവ വിളംബര റാലി ഇന്ന് രാവിലെ 10ന് മുട്ടം ടൗണില്‍ നടക്കും. തുടര്‍ന്ന് വ്യാഴാഴ്ചയാണ് മത്സരങ്ങള്‍. 26, 27, 28, തീയതികളിലും മത്സരങ്ങള്‍ അരങ്ങേറും. ഇടുക്കി, കോട്ടയം, എറണാകുളം, തൃശൂര്‍ ജില്ലകളില്‍ നിന്നായി 105 ഓളം സിബിഎസ്ഇ സ്‌കൂളുകളാണ് കലോത്സവത്തില്‍ പങ്കെടുക്കുന്നത്. 22 വേദികളിലായി 42 ഓളം മത്സരങ്ങളുണ്ടാവും.
കലോത്സവത്തിന്റെ ഉദ്ഘാടനം 20 ന് രാവിലെ 9.30ന് അഡ്വ. ജോയ്‌സ് ജോര്‍ജ് എംപി നിര്‍വഹിക്കും. സെന്‍ട്രല്‍ കേരള സഹോദയ പ്രസിഡന്റ് ഫാ. സിജന്‍ പോള്‍ ഊന്നുകല്ലേല്‍ സിഎംഐ അധ്യക്ഷനാവും. പി ജെ ജോസഫ് എംഎല്‍എ മുഖ്യാതിഥിയാകും. സമാപന ദിവസം വിജയികള്‍ക്ക് നടന്‍ ദേവന്‍ സമ്മാനദാനം നിര്‍വഹിക്കും.