വാടാനപ്പള്ളി: വിവാഹ വാഗ്ദാനം നല്‍കി യുവതിയെ പീഡിപ്പിച്ച കേസില്‍ നാലര വര്‍ഷത്തോളം വിദേശത്ത് ഒളിവില്‍ കഴിഞ്ഞ തളിക്കുളം സ്വദേശി അറസ്റ്റില്‍. തളിക്കുളം പോക്കാക്കില്ലത്ത് മജീദാണ് അറസ്റ്റിലായത്. 2012 മാര്‍ച്ചിലാണ് കേസിനാസ്പദമായ സംഭവം. വിവാഹം ചെയ്യാമെന്ന് പ്രലോഭിപ്പിച്ച് യുവതിയെ പീഡിപ്പിച്ചതിനു ശേഷം മജീദ് ഗള്‍ഫിലേക്ക് കടക്കുകയായിരുന്നു. ഇതേ തുടര്‍ന്ന് പൊലിസ് മജീദിനെതിരെ ലൂക്ക് ഔട്ട് നോട്ടിസ് പുറത്തിറക്കുകയും ചെയ്തു. കഴിഞ്ഞ ദിവസം വൈകീട്ട് 5ന് നെടുമ്പാശേരി എയര്‍പോര്‍ട്ടിലെത്തിയ മജീദിനെ എമിഗ്രേഷന്‍ വിഭാഗം ഉദ്യോഗസ്ഥര്‍ തടഞ്ഞുവെക്കുകയായിരുന്നു. തുടര്‍ന്ന് വിവരമറിഞ്ഞ് സ്ഥലത്തെത്തിയ നെടുമ്പാശേരി പൊലിസ് മജീദിനെ അറസ്റ്റ് ചെയ്ത പ്രതിയെ പിന്നീട് വലപ്പാട് സി.ഐ സി.ആര്‍ സന്തോഷിന്റെ നേതൃത്വത്തിലുള്ള അന്വേഷണ സംഘത്തിന് കൈമാറി. എസ്.ഐ രാമകൃഷ്ണന്‍, സീനിയര്‍ സി.പി.ഒമാരായ റഫീക്ക്, ജലീല്‍, ബിനോയ് അന്വേഷണ സംഘത്തിലുണ്ടായിരുന്നു. പ്രതിയെ കോടതിയില്‍ ഹാജരാക്കി.