തോട്ടട: എസ്.എന്‍ കോളജില്‍ എസ്.എഫ്.ഐ-  കെ.എസ്.യു പ്രവര്‍ത്തകര്‍ ഏറ്റുമുട്ടി. കെ.എസ്.യു യൂനിറ്റ് സെക്രട്ടറി അഭിനവ് രാജീവ്, വി.പി അക്ഷയ് എന്നിവരെ പരുക്കുകളോടെ തലശേരി ഇന്ദിരാഗാന്ധി സഹകരണാശുപത്രിയില്‍ പ്രവേശിപ്പിച്ചു. ഇന്നലെ രാവിലെയായിരുന്നു അക്രമം. അഭിനവ് രാജിന് തലയ്ക്കും നെഞ്ചിനും സാരമായി പരുക്കേറ്റു. അക്രമത്തില്‍ ജില്ലാപ്രസിഡന്റ് സുധീപ് ജയിംസ് പ്രതിഷേധിച്ചു. എസ്.എഫ്.ഐ പ്രവര്‍ത്തകനായ അഖില്‍രാജിനും മര്‍ദനമേറ്റു. തലയ്ക്കു പരുക്കേറ്റ അഖില്‍രാജിനെ കണ്ണൂര്‍ എ.കെ.ജി സഹകരണാശുപത്രിയില്‍ പ്രവേശിപ്പിച്ചു. ആയുധങ്ങളുമായെത്തിയ കെ.എസ്.യു പ്രവര്‍ത്തകര്‍ അഖില്‍രാജിനെ മര്‍ദിച്ചുവെന്ന് എസ്.എഫ്.ഐ നേതൃത്വം ആരോപിച്ചു.