ന്യൂഡല്‍ഹി: ജസ്റ്റിസ് ആര്‍.എം.ലോധ സമിതിക്കെതിരായ ബോര്‍ഡ് ഓഫ് ക്രിക്കറ്റ് കണ്‍ട്രോള്‍ ഇന്‍ ഇന്ത്യ (ബിസിസിഐ) സമര്‍പ്പിച്ച ഹര്‍ജി തള്ളി. ലോധ സമിതി ശുപാര്‍ശകള്‍ നടപ്പാക്കണമെന്ന വിധി പുനപരിശോധിക്കണമെന്നാവശ്യപ്പെട്ടാണ് ബി.സി.സി.ഐ വീണ്ടും സുപ്രിംകോടതിയെ സമീപിച്ചത്. സമിതിയുടെ നിര്‍ദ്ദേശങ്ങള്‍ നടപ്പിലാക്കുന്നത് അപ്രായോഗികമാണെന്ന് വാദിക്കുന്ന ബിസിസിഐക്ക് സുപ്രീം കോടതി വിധി കനത്ത തിരിച്ചടിയായി.

ചീഫ് ജസ്റ്റീസ് അധ്യക്ഷനായ ബെഞ്ചാണ് പുനപരിശോധന ഹര്‍ജി പരിഗണിച്ചത്.

ലോധ സമിതിയുടെ ശുപാര്‍ശകളില്‍ ചില സംശയങ്ങളുണ്ടെന്നും നടപ്പിലാക്കുന്നതിനായി കൂടുതല്‍ സമയം ആവശ്യമുണ്ടെന്നും ബിസിസിഐ ബിസിസിഐ അധ്യക്ഷന്‍ അനുരാഗ് ഠാക്കുര്‍ കോടതിയെ അറിയിച്ചിരുന്നു.

സുപ്രിംകോടതി പുനപരിശോധന ഹരജിയും തള്ളിയതോടെ ബ.സ്ി.സി.ഐയ്ക്ക് ലോധ കമ്മറ്റിയുടെ നിര്‍ദ്ദേശങ്ങള്‍ പൂര്‍ണമായും നടപ്പാക്കേണ്ടി വരും.ഈ മാസം ഏഴ് വരെയായിരുന്നു ലോധ കമ്മിറ്റി നിര്‍ദേശങ്ങള്‍ നടപ്പിലാക്കുന്നതിന് ബിസിസിഐക്ക് സുപ്രീം കോടതി അനുവദിച്ചിരുന്ന സമയം.