കൊല്ലം: ജില്ലയിലെ ഗാര്‍ഹിക പാചക വാതക വിതരണ രംഗത്തുള്ള പരാതികള്‍ പരിഹരിക്കുന്നതിന് ഒക്‌ടോബര്‍ 25ന് നടത്തുന്ന പാചക വാതക അദാലത്തിലേക്ക് 22ന് വൈകിട്ട് അഞ്ചുവരെ പരാതികള്‍ നല്‍കാം. അതത് താലൂക്ക് സപ്ലൈ ഓഫിസിലാണ് പരാതികള്‍ നല്ലേണ്ടത്. രാവിലെ 11ന് ജില്ലാ കലക്ടറുടെ അധ്യക്ഷതയില്‍ കലക്‌ട്രേറ്റ് കോണ്‍ഫറന്‍സ് ഹാളില്‍ നടത്തുന്ന അദാലത്തില്‍ പൊതുവിതരണ വകുപ്പ് ഉദ്യോഗസ്ഥര്‍, ഓയില്‍ കമ്പനി അധികൃതര്‍, ഗ്യാസ് ഏജന്‍സി പ്രതിനിധികള്‍ തുടങ്ങിയവര്‍ പങ്കെടുക്കും.