അമ്പലവയല്‍: കര്‍ഷകരോടുള്ള അവഗണന ഗ്രാമപഞ്ചായത്ത് അവസാനിപ്പിക്കണമെന്ന് ആറാം വാര്‍ഡ് കുരുമുളക് സംരക്ഷണസമിതി യോഗം ആവശ്യപെട്ടു.
കൊടും വരള്‍ച്ച നേരിടുന്ന ഈ സമയത്ത് മറ്റു ഫലവൃക്ഷ തൈകളുടെ സംരക്ഷണം നിര്‍ത്തിവച്ച് തൊഴിലുറപ്പ് പദ്ധതിയില്‍ ഉള്‍പ്പെടുത്തി കാപ്പിതൈകള്‍ സംരക്ഷിച്ച് അടുത്ത ജൂണ്‍, ജൂലൈ മാസങ്ങളില്‍ നട്ട് സംരക്ഷിക്കാന്‍ നടപടി സ്വീകരിക്കണമെന്നും യോഗം ആവശ്യപ്പെട്ടു.
തൊഴിലുറപ്പ് പദ്ധതിക്കായി കാര്‍ഷിക കലണ്ടര്‍ ഉണ്ടാക്കി ആവശ്യമായ സമയത്ത് പ്രവൃത്തികള്‍ നടത്തണമെന്നും യോഗം ആവശ്യപ്പെട്ടു.
എ. മുഹമ്മദലി, കെ സെയ്തലവി, കെ മുജീബ്, കെ വേലു, ശിവദാസന്‍, ആലി, പ്രകാശന്‍ സംസാരിച്ചു.