സുല്‍ത്താന്‍ ബത്തേരി: പഴൂര്‍  സെന്റ് ആന്റണീസ് ദേവാലയത്തില്‍  മോഷണം. തിരുശേഷിപ്പും ഭണ്ഡാരത്തിലെ പണവും മോഷണം പോയി.
തിങ്കളാഴ്ച രാത്രിയാണ് മോഷണം നടന്നത്. ദേവാലയത്തിന്റെ വാതില്‍ പൊളിച്ച് അകത്തുകടന്ന മോഷ്ടാക്കള്‍ അള്‍ത്താരയില്‍ സൂക്ഷിച്ചിരുന്ന സെന്റ് ആന്റണീസിന്റെ തിരുശേഷിപ്പും ഭണ്ഡാരപ്പെട്ടിയിലെ പണവും കവര്‍ന്നു.
 ഒന്നര വര്‍ഷം മുന്‍പാണ് ഇറ്റലിയിലെ പാദുവയില്‍ നിന്ന് തിരുശേഷിപ്പ്  കൊണ്ടുവന്ന് പള്ളിയില്‍ സ്ഥാപിച്ചത്. ഭണ്ഡാരത്തില്‍ നിന്നും എത്ര തുക നഷ്ടപ്പെട്ടുവെന്നും അറിയില്ല.
സക്രാരിയുടേയും മറ്റ് ഷെല്‍ഫുകളുടെയും താക്കോലും മോഷ്ടിക്കപ്പെട്ടുവെന്ന് പള്ളി വികാരി പറഞ്ഞു. സംഭവത്തില്‍ ബത്തേരി പൊലിസ് അന്വേഷണം ഊര്‍ജ്ജിതമാക്കി. ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി.