മാനന്തവാടി: കഞ്ചാവ് പിടികൂടിയ സംഭവത്തില്‍ പ്രതിയെ റിമാന്‍ഡ് ചെയ്തു. തവിഞ്ഞാല്‍ യവനാര്‍കുളം തച്ചന്‍പറമ്പില്‍ സജി(41)യെയാണ് ഇന്നലെ വൈകുന്നേരം വടകര എന്‍.ഡി.പി.എസ് കോടതി റിമാന്‍ഡ് ചെയ്തത്. 4.1 കിലോഗ്രാം കഞ്ചാവുമായി ഇയാളെ നല്ലളം എസ്.ഐ റിയാസ് ചാക്കീരിയും, എസ്.ഐ സെയ്തലവിയും, നടക്കാവ് സി.ഐ അഷ്‌റഫിന്റെ നേതൃത്വത്തിലുള്ള ഷാഡോ പൊലിസുകാരും ചേര്‍ന്ന് തലപ്പുഴ സ്‌റ്റേഷന്‍ പരിധിയില്‍ വച്ച് കഴിഞ്ഞ ദിവസമാണ് പിടികൂടിയത്.
എ.എന്‍.എസ് അഡീഷണല്‍ കമ്മിഷണര്‍ പൃഥ്വിരാജിനും, കോഴിക്കോട് സൗത്ത് അസി.കമ്മിഷണര്‍ കെ.പി അബ്ദുള്‍റസാഖിനും ലഭിച്ച വിവരത്തിന്റെ അടിസ്ഥാനത്തില്‍ നടത്തിയ നീക്കത്തിലൂടെയാണ് പ്രതിയെ സാഹസികമായി പിടികൂടിയത്. കേസിന്റെ തുടരന്വേഷണം ചെറുവണ്ണൂര്‍ സി.ഐ ദിനേശ് കോറോത്തിനാണ്