നിലമ്പൂര്‍:നിലമ്പൂര്‍ മുക്കട്ടയില്‍ ലോറിയുടെ പിറകില്‍ കാര്‍ ഇടിച്ചു കയറി കുറ്റമ്പാറ സ്വദേശിനി യുവതി മരിച്ചു. കുറ്റമ്പാറ കിഴക്കേയില്‍ ഹസ്സന്റെ ഭാര്യ സുബൈദ (42)യാണ് മരിച്ചത്. മൂന്ന്  പേര്‍ക്ക് പരുക്കേറ്റു. പുലര്‍ച്ചെ മൂന്നരയോടെയാണ് അപകടം നടന്നത്.

പരുക്കേറ്റ ഹസ്സന്‍, ബന്ധുക്കളായ ഫൗസിയ, സബ്‌ന എന്നിവരെ ഗുരുതരമായ പരുക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്ന് പുലര്‍ച്ചെ മൂന്നരയോടെ നിലമ്പൂര്‍ മുക്കട്ട ജങ്ഷനിലാണ് അപകടമുണ്ടായത്. കാളന്തോട് നിന്നും മടങ്ങി വരുമ്പോഴാണ് അപകടം . ഹസ്സന്‍ ഓടിച്ചിരുന്ന ആള്‍ട്ടോ കാറാണ് അപകടത്തില്‍പ്പെട്ടത്. ലോറിയുടെ അടിയില്‍പെട്ട ആള്‍ട്ടോ കാര്‍ ഫയര്‍ഫോഴ്‌സ് എത്തി വെട്ടിപൊളിച്ചാണ് പരുക്കേറ്റവരെ പുറത്തെടുത്തത്.