ശ്രീനഗര്‍: കശ്മിരിലെ ബരാമുള്ളയില്‍ സൈന്യം നടത്തിയ തെരച്ചില്‍ ഭീകരരുടെ ഒളിത്താവളത്തില്‍ നിന്നും പാക്, ചൈനീസ് പതാകകള്‍ കണ്ടെത്തി. കൂടാതെ ഭീകരരുമായി ബന്ധമുണ്ടെന്നു സംശയിക്കുന്ന 44 പേരെ പൊലിസ് ഇവിടെ നിന്നും അറസ്റ്റ് ചെയ്തു. ഇതാദ്യമായാണ് ഭീകരരുടെ ഒളിത്താവളത്തില്‍ നിന്നും ചൈനീസ് പതാകകള്‍ കണ്ടെത്തുന്നത്.

ബരാമുള്ളയില്‍ 12 മണിക്കൂര്‍ കൊണ്ട് 700 വീടുകളില്‍ നടത്തിയ പരിശോധനയിലാണ് ഭീകരരുമായി ബന്ധമുണ്ടെന്നു സംശയിക്കുന്ന 44 പേരെ അറസ്റ്റ് ചെയ്തത്. സംഭവത്തെ തുടര്‍ന്ന് പ്രദേശത്ത് സുരക്ഷ ശക്തമാക്കിയതായി സൈനിക വക്താവ് അറിയിച്ചു.

പെട്രോള്‍ ബോംബുകള്‍, ലഷ്‌കര്‍ ഇ തൊയ്ബ, ജെയ്‌ഷെ ഇ മുഹമ്മദ് എന്നിവയുടെ ലെറ്റര്‍ പാഡുകള്‍, മൊബൈല്‍ ഫോണുകള്‍, രാജ്യവിരുദ്ധ ലഘുലേഖകള്‍ എന്നിവയെല്ലാമാണ് ബരാമുള്ളയിലെ ഒളിത്താവളത്തില്‍ നിന്നും സൈന്യം പിടിച്ചെടുത്തത്.

സൈന്യവും പൊലിസും സിആര്‍.പി.എഫും സംയുക്തമായാണ് തെരച്ചില്‍ നടത്തിയത്.