കോട്ടയം: വിദ്യാര്‍ഥികള്‍ക്കുളള നൈപുണ്യ വികസന പദ്ധതിയുടെ (എ.എസ്.എ.പി) ഭാഗമായി കാണക്കാരി ജി.എച്ച്.എസ്.എസ്, നാട്ടകം  ഗവ. കോളജ് എന്നിവിടങ്ങളില്‍ പ്രവര്‍ത്തിക്കുന്ന നൈപുണ്യ വികസന കേന്ദ്രങ്ങളില്‍ വിദ്യാര്‍ഥികള്‍ക്കു പരിശീലനം നല്‍കി.
വിവിധ ജോലികള്‍ക്ക് അപേക്ഷ തയ്യാറാക്കല്‍, ഇന്റര്‍വ്യൂവിനെ അഭിമുഖീകരിക്കല്‍ എന്നിവ സംബന്ധിച്ചാണ് പരിശീലനം.
തിരുവനന്തപുരം, എറണാകുളം, കോഴിക്കോട് എന്നിവിടങ്ങളില്‍ നടക്കുന്ന തൊഴില്‍ മേളയുടെ മുന്നോടിയായി സംഘടിപ്പിച്ച പരിശീലനത്തില്‍ 160 വിദ്യാര്‍ഥികള്‍ പങ്കെടുത്തു.
അവസാനഘട്ട പരിശീലനം  23നു നാട്ടകം ഗവ. കോളജില്‍ നടക്കും.