കോട്ടയം: നാലാമത് ഓള്‍ കേരള മാര്‍ ബസേലിയന്‍ ഇന്റര്‍ സ്‌കൂള്‍ ബാസ്‌കറ്റ്‌ബോള്‍  ബാഡ്മിന്റണ്‍ ടൂര്‍ണമെന്റിന്റെ ഫൈനല്‍ മത്സരങ്ങളില്‍ സീനിയര്‍ ആണ്‍കുട്ടികളുടെ വിഭാഗത്തില്‍ ആതിഥേയരായ മാര്‍ ബസേലിയോസ് 33ന് എതിരെ 48 പോയിന്റുകള്‍ക്കു ചങ്ങനാശ്ശേരി എ.കെ.എമ്മിനെ പരാജയപ്പെടുത്തി.
സബ് ജൂനിയര്‍ ആണ്‍കുട്ടികളുടെ വിഭാഗത്തില്‍ ഇല്ലിക്കല്‍ എക്‌സല്‍ഷ്യര്‍ സ്‌കൂളിനെ പരാജയപ്പെടുത്തി മാര്‍ ബസേലിയോസ് തന്നെ വിജയികളായി (2113).സീനിയര്‍ പെണ്‍കുട്ടികളുടെ വിഭാഗത്തില്‍ ആലപ്പുഴ ജ്യോതിനികേതന്‍ ജേതാക്കളായി.
ബാഡ്മിന്റണ്‍ ഡബിള്‍സ് ആണ്‍കുട്ടികളുടെ വിഭാഗത്തില്‍ തിരുവല്ല ബിലിവേഴ്‌സും, പെണ്‍കുട്ടികളുടെ വിഭാഗത്തില്‍ മരിയന്‍ സീനിയര്‍ സെക്കണ്ടറി സ്‌കൂളും വിജയിച്ചു.
 സമാപന സമ്മേളനത്തില്‍ ബി.സി.എം കോളജ് പ്രിന്‍സിപ്പല്‍ പ്രൊഫസര്‍ ഷീലാ സ്റ്റീഫന്‍ വിജയികള്‍ക്കു സമ്മാനങ്ങള്‍ വിതരണം ചെയ്തു. സെക്രട്ടറി  തോമസ് ടി. ജോണ്‍, അഡ്മിനിസ്‌ട്രേറ്റര്‍ പ്രൊഫസര്‍ സഖറിയാ ടി. ദാനിയല്‍, പ്രിന്‍സിപ്പല്‍  നിനി എബ്രഹാം എന്നിവര്‍ സംസാരിച്ചു.