ഇരിട്ടി: ആറളം ഫാം 55 ബ്ലോക്കില്‍ മാവോയിസ്റ്റിനെ കണ്ടണ്ടതായി അഭ്യൂഹം. യന്ത്രത്തോക്കേന്തി പട്ടാള യൂനിഫോം അണിഞ്ഞ മാവോയിസ്റ്റിനെ കണ്ടതായാണ് അഭ്യൂഹം പരക്കുന്നത്. 55 ബ്ലോക്കിലെ ആദിവാസി യുവാവ് മദ്യലഹരിയില്‍ മാവോയിസ്റ്റ് ഇവിടെ വരാറുണ്ടെന്ന് പറഞ്ഞെന്ന് നാട്ടുകാരാണ് പൊലിസില്‍ അറിയിച്ചത്. അന്വേഷണത്തില്‍ ഇത് തെറ്റായ വിവരമായിരുന്നെന്ന് ആറളം എസ്.ഐ പറഞ്ഞു. ആറുമാസം മുന്‍പ് വിയറ്റ്‌നാം ആദിവാസി കോളനിയില്‍ മാവോയിസ്റ്റ് സംഘമെത്തി ആദിവാസികള്‍ക്കൊപ്പം ഭക്ഷണം കഴിച്ച് സാധനങ്ങള്‍ വാങ്ങിക്കൊണ്ടു പോവുകയും ചെയ്തിരുന്നു.