മാഹി: പന്തക്കല്‍ മാക്കുനിയില്‍ മതില്‍ നിര്‍മാണത്തിനെത്തിയ സ്ത്രീയുടെ താലിമാല കവര്‍ന്ന സംഭവത്തില്‍ ദമ്പതികളെ പൊലിസ് അറസ്റ്റുചെയ്തു. തമിഴ്‌നാട് സ്വദേശികളായ അലമേലു (31), ഭര്‍ത്താവ് കുമാര്‍ (52) എന്നിവരെയാണു പൊന്ന്യംപാലത്തെ നിര്‍മാണത്തിലിരിക്കുന്ന വീട്ടില്‍നിന്നു പന്തക്കല്‍ എസ്.ഐ ഷണ്‍മുഖന്റെ നേതൃത്വത്തിലുള്ള പൊലിസ് സംഘം പിടികൂടിയത്. കിഴക്കെ കതിരൂരിലെ മീത്തലെ മണിയത്ത് സരസുവിന്റെ താലിമാലയാണു കവര്‍ന്നത്. മതില്‍ നിര്‍മാണത്തിനിടെ തിങ്കളാഴ്ച ഉച്ചഭക്ഷണത്തിനുശേഷം വീടിന്റെ പിന്‍ഭാഗത്ത് വിശ്രമിക്കുമ്പോഴായിരുന്നു പാത്രങ്ങളും താലിമാലയും മോഷണംപോയത്.