തളിപ്പറമ്പ്: ത്വരീഖത്തുകളുടെ പേരില്‍ സമൂഹത്തെ ഭിന്നതയിലേക്കും ഛിദ്രതയിലേക്കും നയിക്കരുതെന്ന് സമസ്ത കേരള വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍. പാപ്പിനിശ്ശേരി ജാമിഅ അസ്അദിയ്യ ഇസ്‌ലാമിയ്യ രജത ജൂബിലി സമ്മേളന പ്രചരണാര്‍ഥം സമസ്ത കേരള ജംഇയ്യത്തുല്‍ മുദരിസീന് ജില്ലാ കമ്മിറ്റിയുടെ ആഭിമുഖ്യത്തില്‍ തളിപ്പറമ്പ് ഖുവ്വത്തുല്‍ ഇസ്‌ലം അറബിക് കോളജില്‍ ആദര്‍ശ പഠന ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. സമസ്ത സെക്രട്ടറി പി.പി ഉമര്‍ മുസ്‌ലിയാര്‍ അധ്യക്ഷനായി. റഹ്മത്തുല്ല ഖാസിമി മുത്തേടം മുഖ്യപ്രഭാഷണം നടത്തി. കെ.കെ.പി അബ്ദുല്ല മുസ്‌ലിയാര്‍, സയ്യിദ് എ ഉമര്‍കോയ തങ്ങള്‍, കെ.കെ മുഹമ്മദ് ദാരിമി, മലയമ്മ അബൂബക്കര്‍ ബാഖവി, അബ്ദുറഹ്മാന്‍ ഹൈത്തമി ബ്ലാത്തൂര്‍, എസ്.കെ ഹംസ ഹാജി, ഇബ്രാഹിം ബാഖവി പൊന്ന്യം, അബ്ദുസമദ് മുട്ടം, മുഹമ്മദ് ബ്‌നു ആദം, ലുഖ്മാന്‍ തളിപ്പറമ്പ്, യൂസഫ് ബാഖവി മൊറയൂര്‍, മുഹമ്മദ് ഷരീഫ്, അബ്ദുല്‍ ഫത്താഹ് ദാരിമി സംസാരിച്ചു.