കണ്ണാടിപ്പറമ്പ്: ജില്ലാ നാഇബ് ഖാസിയും സമസ്ത ജില്ലാ ട്രഷററുമായിരുന്ന സയ്യിദ് കെ.എം ഹാഷിം കുഞ്ഞി തങ്ങള്‍ മണ്‍മറഞ്ഞ ജ്ഞാനഗോപുരമാണെന്നു സമസ്ത സെക്രട്ടറി പി.പി ഉമര്‍ മുസ്‌ലിയാര്‍. കണ്ണാടിപ്പറമ്പ് ദാറുല്‍ ഹസനാത്ത് ഇസ്‌ലാമിക് കോളജില്‍ ഹാഷിം കുഞ്ഞി തങ്ങള്‍ അനുസ്മരണ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. തന്റെ ജീവിതകാലം മുഴുവന്‍ ജനങ്ങളോടും വിനയത്തോടെ പെരുമാറി മാതൃകാ ജീവിതം നയിച്ചവരാണു തങ്ങളെന്നും അദ്ദേഹത്തിന്റെ വിടവ് നികത്താനാവാത്തതാണെന്നും ഉമര്‍ മുസ്‌ലിയാര്‍ വ്യക്തമാക്കി.
സയ്യിദ് അസ്‌ലം തങ്ങള്‍ അല്‍ മശ്ഹൂര്‍ ഉദ്ഘാടനം ചെയ്തു. സയ്യിദ് അലി ഹാശിം നദ്‌വി ബാഅലവി അധ്യക്ഷനായി. മാണിയൂര്‍ അഹ്മദ് മൗലവി പ്രാര്‍ഥനാ സദസിനു കാര്‍മികത്വം വഹിച്ചു. വി.കെ അബ്ദുല്‍ഖാദര്‍ മൗലവി, മണിയപ്പള്ളി ആബൂട്ടി ഹാജി, പാലത്തായി മൊയ്തു ഹാജി, അനസ് ഹുദവി, കെ.എന്‍ മുസ്തഫ, കെ.കെ മുഹമ്മദ്, കെ.പി അബൂബക്കര്‍, സി.എച്ച് മുഹമ്മദ് കുട്ടി സംസാരിച്ചു. അബ്ദുല്‍ അസീസ് ബാഖവി, കെ.എന്‍ ഫാസി മൗലവി, എ.ടി മുസ്തഫ ഹാജി, ആലി ഹാജി കമ്പില്‍, പൂക്കോയ തങ്ങള്‍, താജുദ്ദീന്‍ അബ്ദുല്ല നിസാമി, മൊയ്തു നിസാമി, ഷുക്കൂര്‍ ഹാജി കൊയ്യോട്, ശരീഫ് ബാഖവി, അബ്ദുല്ല ഫൈസി, സുബൈര്‍ മുസ്‌ലിയാര്‍ സംബന്ധിച്ചു.