കൂറ്റനാട്: ദേശീയ സ്റ്റുഡന്റ് ഒളിംപിക്‌സില്‍ അത്‌ലറ്റിക്‌സില്‍ മുഹമ്മദ് റാസിഖ് സ്വര്‍ണ്ണവും വെള്ളിയും കരസ്ഥമാക്കി. ഗുജറാത്തിലെ വഡോദരയില്‍ നടന്ന ദേശീയ സ്റ്റുഡന്റ് അത്‌ലറ്റിക് മത്സരത്തില്‍ 5000 മീറ്ററില്‍ സ്വര്‍ണ്ണവും 4:400 മീറ്ററില്‍ വെള്ളിയുമാണ് റാസിഖ് സ്വന്തമാക്കിയത്. കൂറ്റനാട് പട്ടിശ്ശേരി നാലകത്ത് റഫീഖ് റുഖിയ ദമ്പതികളുടെ മകനാണ്. വളാഞ്ചേരി എം.ഇ.എസ് കോളജിലെ രണ്ടാം വര്‍ഷ ഡിഗ്രി വിദ്യാഥിയാണ്.
സ്‌കൂള്‍ തലം മുതല്‍ മുഹമ്മദ് റാസിഖ് ഒട്ടേറെ മത്സരങ്ങളില്‍ പങ്കെടുക്കുകയും മെഡലുകള്‍ കരസ്ഥമാക്കുകയും ചെയ്തിരുന്നു. സി. ബി .എസ്.സി നാഷണല്‍ മീറ്റില്‍ 5000 മീറ്റര്‍ 1500 മീറ്റര്‍ ഓട്ടമത്സരത്തില്‍ രണ്ടാംസ്ഥാനം നേടിയിരുന്നു.
പഠനത്തിലും മികച്ച നിലവാരം പുലര്‍ത്തുന്ന മുഹമ്മദ് റാസിഖ് സിവില്‍ സര്‍വ്വിസിനുള്ള തയ്യാറെടുപ്പിലാണ്. ദേശിയ സ്റ്റുഡന്റ്‌സ് ഒളിംപിക്‌സില്‍ പങ്കെടുത്ത റാസിഖിനെ ഇന്ത്യന്‍ ടീമിലേക്ക് തിരഞ്ഞടുത്തിട്ടുണ്ട്.