കരുളായി: പഞ്ചായത്തിലെ ചെറുപുഴയില്‍ വീണ്ടും കാട്ടാനയുടെ വിളയാട്ടം. കഴിഞ്ഞ ദിവസം രാത്രി ര@ു തവണയായി ഒറ്റയാനെത്തി കാര്‍ഷിക വിളകള്‍ നശിപ്പിച്ചു. കൂനന്‍താഴത്ത് പറമ്പില്‍ ജോര്‍ജ്ജ്, കെ.പി അന്നാമതോമസ് എന്നിവരുടെ പറമ്പിലെത്തിയാണ് ആന തെങ്ങ്, വാഴ, റബര്‍ എന്നിവ നശിപ്പിച്ചത്. റബര്‍ തൈകള്‍ ഒടിച്ചു നശിപ്പികുന്നതിനു പുറമെ വലിയ റബറുകളുടെ തൊലി അടര്‍ത്തിയെടുത്ത് ഭക്ഷിക്കുകയും ചെയ്തിട്ടു@്.
വ്യാഴാഴ്ച്ച രാത്രി കരുളായി വനത്തില്‍ നിന്നും ചെറുപുഴ മുറിച്ചു കടന്നെത്തിയ ഒറ്റയാനെ ആദ്യം ശബ്ദമു@ാക്കി പിന്തിരിപ്പിച്ചെങ്കിലും ഇന്നലെ പുലര്‍ച്ചെ വീ@ുമെത്തിയാണ് കാര്‍ഷിക വിളകള്‍ നശിപ്പിച്ചിട്ടുള്ളത്.
മേഖലയില്‍ സോളാര്‍ വേലി സ്ഥാപിച്ചിട്ടു@െങ്കിലും ഇതേവരെ ചാര്‍ജ് ചെയ്യാനോ മറ്റു നടപടികള്‍ സ്വീകരിക്കാനോ അധികൃതര്‍ തയാറായിട്ടില്ല. ഇതാണ് വേലിക്കടിയിലൂടെ ആനയെത്തി കൃഷി നശിപ്പിക്കാന്‍ കാരണമാകുന്നതെന്നാണ് കര്‍ഷകരുടെ ആക്ഷേപം.
വന്യമൃഗ ശല്യത്താല്‍ യാതൊരു കൃഷിയും ചെയ്യാന്‍ കഴിയാത്ത അവസ്ഥയാണ് നിലവിലെന്നും അധികൃതര്‍ പരിഹാരം കാണമെന്നും കര്‍ഷകര്‍ പറഞ്ഞു.