പട്ടിക്കാട്: മൂന്നര വര്‍ഷം മുമ്പ് കീഴാറ്റൂര്‍ മുതുകുര്‍ശ്ശിക്കാവ് അയ്യപ്പ ക്ഷേത്രത്തില്‍ നിന്നും വിഗ്രഹം മോഷ്ടിച്ചയാളെ മേലാറ്റൂര്‍ പൊലിസ് അറസ്റ്റ് ചെയ്തു. കീഴാറ്റൂരിലെ എരുകുന്നത്ത് പ്രദീപിനെയാണ്(36) മേലാറ്റൂര്‍ എസ്.ഐ രാജീവും സംഘവും വെള്ളിയാഴ്ച അറസ്റ്റ് ചെയ്തത്.

കേസിലെ ഒന്നാം പ്രതിയാണ് പ്രദീപ്. ഡി.വൈ.എഫ്.ഐ പ്രവര്‍ത്തകനും സി.പി.എം കീഴാറ്റൂര്‍ ബ്രാഞ്ച് സെക്രട്ടറിയുടെ സഹോദരനുമാണ് പ്രതി. ഇയാളെ കോടതി രണ്ടാഴ്ചത്തേക്ക് റിമാന്റ് ചെയ്തു. ഒന്നര കോടി രൂപക്ക് വിഗ്രഹം വില്‍ക്കാന്‍ ശ്രമിക്കവെ കൂട്ടുപ്രതികളെ കഴിഞ്ഞ ആഴ്ചയില്‍ പൊലിസ് പിടികൂടിയിരുന്നു.