തളിപ്പറമ്പ്: പരിയാരത്ത് ഫയര്‍‌സ്റ്റേഷന്‍ സ്ഥാപിക്കുന്നതിനു ശ്രമം തുടങ്ങി. ഫയര്‍ഫോഴ്‌സ് ഡി.ജി.പിയുടെ നിര്‍ദേശപ്രകാരം പയ്യന്നൂര്‍ സ്റ്റേഷന്‍ ഓഫിസര്‍ എസ്.ജയകുമാറിന്റെ നേതൃത്വത്തിലുള്ള സംഘം കടന്നപ്പള്ളി റോഡില്‍ ടി.ബി സാനിട്ടോറിയം ക്വാര്‍ട്ടേഴ്‌സ് കെട്ടിടം നില്‍ക്കുന്ന സ്ഥലവും പബ്ലിക്ക് സ്‌കൂളിനു സമീപമുള്ള ലൈബ്രറി കെട്ടിടം നില്‍ക്കുന്ന സ്ഥലവും പരിശോധിച്ചു. ക്വാര്‍ട്ടേഴ്‌സ് നില്‍ക്കുന്ന സ്ഥലം ഫയര്‍‌സ്റ്റേഷന് അനുയോജ്യമെന്നു കണ്ടെത്തി. ഇവിടെ കെട്ടിടം നിലവിലുള്ളതിനാല്‍ വാഹന ഗ്യാരേജു മാത്രമേ നിര്‍മിക്കേണ്ടതുള്ളൂ. സിംഗിള്‍ സ്റ്റേഷനായിട്ടായിരിക്കും സ്റ്റേഷന്‍ ആരംഭിക്കുക.
ഈ വര്‍ഷം തന്നെ പരിയാരത്തു ഫയര്‍‌സ്റ്റേഷന്‍ യാഥാര്‍ഥ്യമാക്കാനുളള ശ്രമം നടത്തിവരികയാണെന്നു ടി.വി രാജേഷ് എം.എല്‍.എ പറഞ്ഞു.