കൊച്ചി: സംസ്ഥാന എക്‌സൈസ് വകുപ്പ് സംഘടിപ്പിക്കുന്ന കലാകായിക മേളയുടെ ഭാഗമായുളള ജില്ലാതല മത്സരങ്ങള്‍ ഇന്ന് ആലുവ യൂനിയന്‍ ക്രിസ്ത്യന്‍ കോളജില്‍ നടക്കും.
കലാകായിക മേള എറണാകുളം എക്‌സൈസ് ഡപ്യൂട്ടി കമ്മിഷര്‍ എ.കെനാരായണന്‍കുട്ടി രാവിലെ എട്ടിന് ഉദ്ഘാടനം ചെയ്യും. യൂനിയന്‍ ക്രിസ്ത്യന്‍ കോളജിലെ വിവിധ മൈതാനങ്ങളില്‍ നടക്കുന്ന മത്സരങ്ങളില്‍ ജില്ലയിലെ 200 ഓളം താരങ്ങള്‍ പങ്കെടുക്കും.
മത്സരങ്ങളിലെ വിജയികള്‍ നവംബര്‍ 22, 23 തീയതികളില്‍ കണ്ണൂരില്‍ നടക്കുന്ന സംസ്ഥാനതല മത്സരങ്ങളില്‍ ജില്ലയെ പ്രതിനിധീകരിക്കും. മധ്യമേഖല മത്സരങ്ങള്‍ 29ന് എറണാകുളത്ത് നടത്തും.