ആലപ്പുഴ: വാഹനാപകടത്തില്‍ മരിച്ച പള്ളാത്തുരുത്തി ചെത്തുവേലില്‍ സി.എ. നൗഷാദിന്റെ കുടുംബത്തിന് മുഖ്യമന്ത്രിയുടെ ദുരിതാശ്വാസനിധിയില്‍നിന്ന് അനുവദിച്ച ഒരു ലക്ഷം രൂപ കൈമാറി.
പൊതുമരാമത്ത്‌രജിസ്‌ട്രേഷന്‍ വകുപ്പു മന്ത്രി ജി. സുധാകരന്‍ നൗഷാദിന്റെ വീട്ടിലെത്തി ഭാര്യ ഷക്കീല നൗഷാദിന് ചെക്ക് കൈമാറി.
2013 നവംബറില്‍ ആലപ്പുഴ നഗരത്തിലുണ്ടായ വാഹനാപകടത്തിലാണ് നൗഷാദ് മരിച്ചത്. നഗരസഭാംഗങ്ങളായ ഡി. ലക്ഷ്മണന്‍, വി.എന്‍. വിജയകുമാര്‍, നൗഷാദിന്റെ മാതാവ് ഫാത്തിമാബീവി എന്നിവര്‍ സന്നിഹിതരായിരുന്നു.